UJASIRI

Ujasiri Ni Nini?
Ni hali ya kutokuwa na hofu kunakoambatana na uthubutu.

Biblia inasema nini kuhusu ujasiri?
Waefeso 3:12
12 Katika yeye tunao ujasiri na uwezo wa kukaribia katika tumaini kwa njia ya kumwamini.

Waebrania 10:19,35

19 Basi, ndugu, kwa kuwa tuna ujasiri wa kupaingia patakatifu kwa damu ya Yesu,

35 Basi msiutupe ujasiri wenu, kwa maana una thawabu kuu.

Kinyume cha ujasiri ni hofu.Ujasiri na Hofu ni roho kamili.Kuna ujasiri kwa upande wa shetani na ujasiri kwa upande wa MUNGU.Unapookoka unafanya mambo ya KiMungu kwa ujasiri.Warumi 5:15 Utumwa wa kishetani huondoka kabisa.

Unapopata uoga wa kufanya mambo mema yanayompendeza Mungu,kemea hiyo hali.Ikatae kwa Jina La Yesu.Hiyo ni roho kamili kutoka kwa Ibilisi.Mfano unaogopa kutoa sadaka,kuchangia huduma za Mungu,kutoa kwa ajili ya wahitaji kama wagonjwa,wajane,yatima,wafungwa kisa unahofu utaishiwa.Hiyo roho kamili kutoka kuzimu ikemee.

Waebrania 4:16

16 Basi na tukikaribie kiti cha neema kwa ujasiri, ili tupewe rehema, na kupata neema ya kutusaidia wakati wa mahitaji.

Unapata ujasiri wa kuongea na Mungu kuhusiana na jambo lolote lile unapoishi maisha ya kumpendeza.Mungu ni Baba mwenye Upendo.Tuangalie uhalisia,hivi mfano umemkosea mtu jambo fulani,unapata wapi ujasiri wa kumfuata na kuongea naye jambo lolote au hata kuomba msaada kwake kabla hujatengeneza na kumwomba msamaha?

Ndivyo ilivyo kwa Mungu.Mungu hasikii maombi ya wenye dhambi.

Mithali 15:29

29 Bwana yu mbali na wasio haki; Bali huisikia sala ya mwenye haki.

Ukiwa safi una uwezo wa kukaribia kiti chake kwa ujasiri ili kupata neema ya kutusaidia wakati wa mahitaji,

Kwa maana nyingine,kuna faida ya kuishi maisha safi maana ndiyo yanayotupatia ujasiri wa kupata neema ya Mungu kusikia maombi yetu.

Kwa hiyo ni vizuri kuishi maisha safi,ya kumpendeza Mungu,ambayo yatapelekea kuwa na haki na ujasiri wa kumwomba Mungu na YeYe Mungu anatupa neema inayopelekea kukutana na mahitaji yetu.

Mpaka wakati ujao...

TANZANIA KWA YESU!

KUPOKEA UPONYAJI TOKA KWA MUNGU

Zaburi 103:1-4

1 Ee nafsi yangu, umhimidi Bwana. Naam, vyote vilivyo ndani yangu Vilihimidi jina lake takatifu.
2 Ee nafsi yangu, umhimidi Bwana, Wala usizisahau fadhili zake zote.
3 Akusamehe maovu yako yote, Akuponya magonjwa yako yote,
4 Aukomboa uhai wako na kaburi, Akutia taji ya fadhili na rehema,

Kila Mwana wa Mungu ni lazima apokee uponyaji maana ni haki yake.Huwezi kumtumikia Mungu ipasavyo ukiwa katika hali ya ugonjwa.Mungu hufanya uponyaji wa Roho na Mwili kwa wana wake.

Isaya 53:4-5

4 Hakika ameyachukua masikitiko yetu, Amejitwika huzuni zetu; Lakini tulimdhania ya kuwa amepigwa, Amepigwa na Mungu, na kuteswa.
5 Bali alijeruhiwa kwa makosa yetu, Alichubuliwa kwa maovu yetu; Adhabu ya amani yetu ilikuwa juu yake, Na kwa kupigwa kwake sisi tumepona. 

Chanzo Cha Udhaifu na Magonjwa Ni Nini?

1. Dhambi

Warumi 5:12-19

Mtu anapoishi katika dhambi anakosa haki ya kuzuia magonjwa hivyo yanamtesa.Hii pia tunaiona katika kitabu cha Marko 2:5.Bwana Yesu alimwambia yule mwenye kupooza kwamba asitende dhambi tena.Magonjwa mengi ya kurithi hutokana na dhambi za wazazi,mababu,kizazi cha nyuma na mara nyingi huambatana na laana.Soma Katika kitabu cha Kutoka 20:1-5 tunaona Mungu hupatiliza kizazi hadi kizazi mpaka kizazi cha nne.

Unapomkiri Bwana Yesu na kumkaribisha katika maisha yako yote ya kale yanapita na kila kitu kinakuwa upya.Unakua uzao wa kiteule,kuhani wa kifalme maana unakuwa umezaliwa kwa roho si kwa mapenzi ya mwili tena.

Pia,Tafuta sana kujua maana ya jina lako na jina la ukoo wako maana kuna siri katika majina.Kama ni baya na huwezi kulibadilisha,kataa laana zinazoambatana nalo.

2.Mapepo

Marko 9:17-18

Luka 13:11

Unafahamu kuwa mauti na uzima vi katika ulimi wako Mithali 18:21

Shetani kwa kufahamu kwamba dhambi tuko macho nazo ameamua kutumia ukiri weut kuufanya uwe dhaifu.Pamoja na kujisikia udhaifu ukishaomba amini kwamba umeshapona.Nawe utakuwa mzima.Shetani ana tabia ya kutuweka katika uhalisia zaidi ya imani.Atakwambia bado kichwa si unasikia kinauma?Na ukisikiliza utasikia kinagonga kweli.Lakini jua hizo ni mbinu zake tu.Ukishaomba,amini umepona.Utakuja kushangaa kiliacha kuuma saa ngapi maana utajikuta mzima tu.Ndio maana Bwana Yesu alikuwa akiponya anawaambia kabisa,Imani yako imekuponya.

Ni kwa jinsi gani tunaweza kupokea uponyaji?

1.Ni lazima kufanywa upya nia zetu.

Tuache dhambi na kuishi maisha matakatifu.Maisha yetu yafananie na wokovu kwelikweli.Warumi  12:1-2

2. Kuwa na imani isiyo na mashaka

Soma Neno la Mungu na ujinene mwenyewe maandiko kulingana na hali unayoipitia.Kama ni magonjwa zungumza nayo bila kuangalia uhalisia.Jinenee maandiko yanayokutamkia uzima na afya na uamini.Kumbuka pasipo imani haiwezekani kumpendeza Mungu.Tumia imani yako kusimamia watu wa nyumbani mwako pia especially watoto wako wadogo ambao hawajajua kujisimamia na utamwona Mungu akiwa upande wako siku zote.

Mungu akubariki.

Nakuachia wimbo wa Heal me O LORD, By Don Moen

Mpaka wakati ujao...

TANZANIA KWA YESU!

Tengeneza Msingi Wa Maisha Ya Kiroho Kwa Watoto Wako

Mithali 22:6
6 Mlee mtoto katika njia impasayo, Naye hataiacha, hata atakapokuwa mzee.

Malezi ya watoto huanza toka angali tumboni.Ni vizuri wazazi tukawa na muda wa kuzungumza vizuri kwa upendo na watoto wetu angali wako tumboni.Hiyo peke yake inajenga upendo wa pekee baina ya mtoto na wazazi wake.Anapozaliwa,kuanzia hapo ndipo unapaswa kuongeza nguvu ya ziada katika kumlea.

Kumfundisha kuenenda katika njia inayompasa ni Jukumu letu wazazi na ni Haki ya mtoto wako.Namna atakavyokuwa ukubwani ni matokeo ya malezi yake ya utotoni.Ukimuongoza vyema kuanzia mapema atakuwa mtu mzuri na mwema baadaye kadhalika kwa upande wa pili wa kumuongoza vibaya.

Mungu ametupa jukumu la kulea wanetu kwa kipindi kifupi sana.Baada ya hapo Mungu huwafundisha mwenyewe huku akiwapa amani nyingi sana kwenye maisha yao.Isaya 54:13

13 Na watoto wako wote watafundishwa na Bwana; na amani ya watoto wako itakuwa nyingi.

Kazi yako ni kuwajengea msingi wanetu huku tukimshirikisha Bwana. Mithali 22:6.

Hiyo njia tunayopaswa kulea wanetu ni ipi?Tuangalie Matayo 7:13-14

13 Ingieni kwa kupitia mlango ulio mwembamba; maana mlango ni mpana, na njia ni pana iendayo upotevuni, nao ni wengi waingiao kwa mlango huo.
14 Bali mlango ni mwembamba, na njia imesonga iendayo uzimani, nao waionao ni wachache.

Njia ya kwenda uzimani waionao ni wachache sana.

Njia ya kwenda uzimani ni ipi? Yohana 14:6

 'Mimi ndimi njia,na kweli na uzima.Mtu haji kwa Baba ila kwa njia ya mimi.'

Hayo ni maneno ya Bwana Yesu mwenyewe.Mtu hawezi kwenda mbinguni ila kwa njia ya kumkubali Yesu.Ndio ukweli wenyewe, maandiko yako wazi.Ukiliona hili wewe ni kati ya wachache waliotamkwa kwamba wanaiona.

Mimi nimechagua njia ya kwenda uzimani na Namwomba Mungu wanangu wakae katika njia hiyo hiyo ya kwenda uzimani.Wewe ungependa mwanao/wanao wakae njia ipi?

Mathayo 22:37

37 Akamwambia, Mpende Bwana Mungu wako kwa moyo wako wote, na kwa roho yako yote, na kwa akili zako zote.

Wafundishe wanao kumpenda Mungu JUMLA.Mungu ni mwingi wa rehema,huruma na fadhili kwa wale wampendao.

Kumbukumbu la Torati 5:6-10

6 Mimi ni Bwana, Mungu wako, niliyekutoa katika nchi ya Misri, katika nyumba ya utumwa.
7 Usiwe na miungu mingine ila mimi.
8 Usijifanyie sanamu ya kuchonga, mfano wa kitu cho chote kilicho juu mbinguni, au kilicho chini duniani, au kilicho majini chini ya nchi.
9 Usivisujudie wala kuvitumikia; kwa kuwa mimi Bwana, Mungu wako, ni Mungu mwenye wivu, nawapatiliza wana uovu wa baba zao; hata kizazi cha tatu na cha nne cha wanichukiao,
10 nami nawarehemu maelfu elfu wanipendao, na kuzishika amri zangu.

Endapo hujafanya maamuzi,fanya maamuzi sahihi sasa.Ingia katika njia iendayo uzimani ili ufanikiwe kuwaingiza watoto wako katika njia iendayo uzimani pia.Mkubali Bwana Yesu abadilishe maisha yako.

Mungu akubariki.Mpaka wakati ujao...

TANZANIA KWA YESU!

Mambo Saba (7) Ya Kufanya Unapopatwa Na Uoga -2

Blessed Be The Name Of The LORD, Halelujah!
Somo letu linaendelea....

(4)Amini Nguvu Za Mungu
Zaburi 27:1-3
1 Bwana ni nuru yangu na wokovu wangu, Nimwogope nani? Bwana ni ngome ya uzima wangu, Nimhofu nani?
2 Watenda mabaya waliponikaribia, Wanile nyama yangu, Watesi wangu na adui zangu, Walijikwaa wakaanguka.
3 Jeshi lijapojipanga kupigana nami, Moyo wangu hautaogopa. Vita vijaponitokea, Hata hapo nitatumaini.

Na lingine hili....

Isaya 41:10

10 usiogope, kwa maana mimi ni pamoja nawe; usifadhaike, kwa maana mimi ni Mungu wako; nitakutia nguvu, naam, nitakusaidia, naam, nitakushika kwa mkono wa kuume wa haki yangu.

Hivi umegundua ulivyokuwa mtoto maisha yalikuwa hayakutishi kihivyo?Ulikuwa huna woga wala wasiwasi na chochote kile.Tena mtu akikubugudhi unamwambia nitakusemea kwa baba/mama akirudi.Unakumbuka?

Unatakiwa kuishi kwa staili hiyohiyo,bila woga wala wasiwasi na ukibughudhi nenda msemee kwa Baba Wa Mbinguni maana kwanza ni haki na urithi wako kulindwa na kutetewa na Baba wa Mbinguni Isaya 54:17

(5)Woga hautokani na Mungu

2Timotheo 1:7

7 Maana Mungu hakutupa roho ya woga, bali ya nguvu na ya upendo na ya moyo wa kiasi.

Woga hautokani na Mungu.Angalia chanzo cha woga wako na katika kufikiri utagundua kwamba hatumwamini Mungu vizuri kwamba anaweza kudhibiti hali tunayopitia ndio maana tunaogopa.Mungu anataka tumwamini asilimia mia.Ni Baba mwenye upendo,atakutetea.

(6)Ni Mungu Anayejali

1Petro 6:6,7

6 Basi nyenyekeeni chini ya mkono wa Mungu ulio hodari, ili awakweze kwa wakati wake;
7 huku mkimtwika yeye fadhaa zenu zote, kwa maana yeye hujishughulisha sana kwa mambo yenu.

Hivi ungejisikiaje kama mtoto wako anakuja anakwambia changamoto anazopitia  halafu unamwambia niachie mimi nitashughulikia,halafu anaondoka anaendelea kupambana na changamoto hiyo katika kiwango cha kushindwa anafanya ndivyo sivyo si inasikitisha sana?Ndivyo ilivyo kwa Baba yetu wa Mbinguni.Anataka tumtwishe yeye fadhaa zetu.Maana anajishughulisha sana na mambo yetu 1Petro 5:7

Nakuachia wimbo wa 'He Knows My Name' By Israel & New Breeds
 Mungu anakufahamu kwa Jina.Anafahamu mwisho wako kabla hata hajakuumba.Stop worrying and cast your cares upon Him.He will never fail you.

Mpaka wakati ujao.....

TANZANIA KWA YESU!

 

Mambo Saba 7 Ya Kufanya Unapopatwa na Uoga - (1)

                                           Acha kustuka kuruka kwa uoga

Praise The Lord!...Halelujaah!

Tunapoona mambo hayaendi kama tulivyotarajia wengi wetu tunaanza kupatwa wasiwasi,kuogopa na kutengeneza taswira kichwani ya mambo mabaya zaidi yanayoweza kutupata kwenye maisha yetu kama hali hiyo ikiendelea.
Cha kushangaza taswira tunazopiga kichwani mara nyingi hazitokei katika uhalisia.Yani tumshukuru Mungu kwa hilo kwa kweli.

                                                   Acha kung'ata kucha kwa uoga

Ni vizuri tukaelewa kwamba kuogopa hakusaidii kubadilisha hali tunazopitia.Kuogopa inatuonyesha jinsi tulivyo dhaifu na tunavyohitaji msaada.Tukiwa kama Wakristo,tunaamini nyakati zetu ziko mikononi mwa Mungu na kwamba Mungu anadhibiti kila hali ya maisha yetu.(Zaburi 31:15) Kama tunafahamu hivi,hatuna kitu chochote cha kutufanya tuogope.Nitakupa dondoo saba kutoka kwenye biblia zinazodhibitisha kwamba hatutakiwi kuogopa kabisa katika maisha haya.

(1)Omba
Wafilipi 4:6,7
6 Msijisumbue kwa neno lo lote; bali katika kila neno kwa kusali na kuomba, pamoja na kushukuru, haja zenu na zijulikane na Mungu.
7 Na amani ya Mungu, ipitayo akili zote, itawahifadhi mioyo yenu na nia zenu katika Kristo Yesu.

Nenda mbele za Mungu,mueleze haja zako na hali zako unazopitia.Mungu ni Baba mwenye Upendo.Atakupa amani kwanza wakati anashughulika na hali uliyonayo.Hakuna haja ya kupatwa wasiwasi,kutolala,kunywa pombe,n.k ili kuondoa mawazo.Hivi vyote havitabadilisha hali unayopitia.Mwambie Mungu.

(2)Mshukuru Mungu

Usikalie kushika bango kwa mambo ambayo huna na huna uwezo wa kuyadhibiti.Angalia vitu ulivyonavyo wewe halafu uangalie kwamba kuna wengine hawana hivyo ulivyonavyo ndio utajua kwamba Mungu bado ni Mwema kwako.Hakuna ubaya wowote kwenda mbele za Mungu ukihoji hali yako na mambo yako alimradi tu usiende ukiwa na hasira mbele za Bwana na kulazimisha kwamba Mungu afanye kwa muda wako na kwa jinsi unavyotaka wewe.Kumbuka YeYe ni Mungu.Anajua kila kitu.Tunatakiwa kwenda mbele zake kwa unyeyekevu,kwa moyo wa shukrani na kumwomba atupe amani ambayo itafungua akili zetu kuelewa mipango yake katika maisha yetu.

(3)Roho Mtakatifu Anakupa Amani

Yohana 14:26,27

26 Lakini huyo Msaidizi, huyo Roho Mtakatifu, ambaye Baba atampeleka kwa jina langu, atawafundisha yote, na kuwakumbusha yote niliyowaambia.
27 Amani nawaachieni; amani yangu nawapa; niwapavyo mimi sivyo kama ulimwengu utoavyo. Msifadhaike mioyoni mwenu

Kazi mojawapo ya Roho Mtakatifu ni Kufariji.Anakusaidia kudhibiti changamoto unazopitia na kukufanya uone wepesi.Sio kwamba hutaona chochote katika hali unayopitia,ni kwamba hutaona ugumu kama uliotakiwa kuuona kama usingekuwa unamtumainia Mungu.

Somo litaendelea ..Unapopatwa na uoga,wasiwasi, nenda katembelee wahitaji kama wagonjwa,maskini,wafungwa na wote waliokwenye wakati mgumu.Wape msaada.Hii itakusaidia na wewe pia tena mno.

 Nakuachia wimbo wa 'What A Wonder Jesus' By Lenny LeBlanc

Mpaka wakati ujao...

TANZANIA KWA YESU!

Kwa Nini Kuogopa Wakati Unaweza Kuomba?

Luka 18:1
1 Akawaambia mfano, ya kwamba imewapasa kumwomba Mungu sikuzote, wala wasikate tamaa.

Bwana Yesu akaendelea kutoa mfano kwenye Luka 18:2-14
Haya maneno yalitoka katika kinywa cha Bwana Yesu mwenyewe.Ni maneno ya Mungu mwenyewe.Mungu anaelewa tunapaswa kuomba,kwa sababu Bwana Yesu naye aliishi duniani kama sisi,anaelewa mahitaji yetu na changamoto tunazokutana nazo,naye mwenyewe alikuwa ni mwombaji.

Maombi ndiyo njia pekee ambayo Mungu ameichagua sisi kuwasiliana naye kumwambia mahitaji yetu na mambo yetu yote.Ni njia aliyoichagua ya sisi kuwasiliana na YeYe.Hakuna njia nyingine yoyote ambayo mwanadamu anaweza kuwasiliana na Muumba isipokuwa kupitia maombi.

Ukienda kuwasiliana na Mungu,jisafishe,jitakase,nyenyekea,ongea naye kirafiki na kwa heshima kama unaongea na baba yako.Mungu hapendi woga,kulalamika,kunung'unika yani anachukia kabisa.Unakumbuka wana wa Israel walipokuwa njiani kuelekea Kaanani wale waliokuwa wananung'unika na kulalamika Mungu aliwafanyaje?Soma Kutoka 16. 

Haya yote yameandikwa ili iwe onyo kwetu.Kwa wale ambao tuna wepesi wa kulalamika,kunung'unika,kumtupia Mungu lawama,ukipatwa na mabaya au ukiwa kwenye hali ngumu sana unasema ni mpango wa Mungu jamani TUACHE.Kuna wakati mambo magumu yanakupata kupima imani zetu,wakati mwingine ni sababu ya dhambi zetu wenyewe n.k.

1Wakorintho 10:10-11
'10 Wala msinung'unike, kama wengine wao walivyonung'unika, wakaharibiwa na mharabu.
11 Basi mambo hayo yaliwapata wao kwa jinsi ya mifano, yakaandikwa ili kutuonya sisi, tuliofikiliwa na miisho ya zamani. '

Wengi wetu tunapokuwa kwenye kipindi kigumu katika maisha,huwa tunalalama,kunung'unika,kusikitika yani hayo yote hata ufanye kiasi gani Mungu hakuangalii wala hakusikilizi,ndio tujue ni kiasi gani Mungu anachukia haya.Ni pale tu,unapomuendea na kumwomba,ndipo anapokusikiliza.

Mathayo 7:7-11 inasema,
'7 Ombeni, nanyi mtapewa; tafuteni, nanyi mtaona; bisheni, nanyi mtafunguliwa;
8 kwa maana kila aombaye hupokea; naye atafutaye huona; naye abishaye atafunguliwa.
9 Au kuna mtu yupi kwenu, ambaye, mwanawe akimwomba mkate, atampa jiwe?
10 Au akiomba samaki, atampa nyoka?
11 Basi ikiwa ninyi, mlio waovu, mnajua kuwapa watoto wenu vipawa vyema, je! Si zaidi sana Baba yenu aliye mbinguni atawapa mema wao wamwombao?'

Hivi hata kama ni wewe,una watoto wako wawili.Mmoja yeye akiwa na uhitaji anakufuata,anakueleza halafu anakupa muda ulitendee kazi hitaji lake.Mwingine,yeye akiwa na hitaji hakwambii,utasikia tu kwa watu au utamsikia huko nje analalamika,ananung'unika hivi huyu ungependa kumsaidia kweli?Kama hajakufuata kukuomba yeye binafsi utamsaidia kivipi?Ndivyo ilivyo kwa Baba Yetu wa Mbinguni.Ana hisia jamani,inabidi tuwe makini tumtendee haki.

Somo hili litaendelea...Mpaka wakati ujao..

TANZANIA KWA YESU!

Amri Kuu Ya Kwanza Ni Ipi?(2)

Bwana Yesu asifiwe!
Somo hili ni muendelezo wa somo lililopita.

4.Unatenga muda wako kuwa naye.
Mungu ni namba moja katika maisha yetu.Tunapaswa kumpa haki yake ya kuwa namba moja katika kila eneo.Kuanzia tunapoamka asubuhi,cha kwanza ni kutulia na kumshukuru Mungu kwa fadhili,wema,ulinzi n.k juu ya maisha yetu katika kila eneo.Tunapaswa kumsikiliza pia na yeye anazungumza nini nasi,na kutii haraka kwa kutenda vile anavyotuamuru.Utii ni bora kuliko dhabihu 1Samweli 15:22

Mungu ni BaBa mwenye upendo wa hali ya juu.Tunapaswa kutenga muda wa kuzungumza naye na kumsikiliza.Muongozo wote,mafanikio mazuri na baraka zinazodumu hutokana na kusikiliza na kutii vyema sauti ya Mungu

5.Unatumia nguvu zako kushirikiana naye
Mungu ni roho.Ili kufanikisha kazi zake humu ulimwenguni,anahitaji mwili wa kushirikiana naye.Ndio maana Mungu akifanya makao ndani ya mtu,yule mtu anakuwa na uwezo ajabu.Ni Mungu anayetufanya kupitia mtu.

Mungu anahitaji sana usharika nasi na anapenda sana mtu anayeshirikiana naye,anayemtumikia,tena ANAMHESHIMU mtu huyo.Yohana 12:26 ' Mtu akinitumikia, na anifuate; nami nilipo, ndipo na mtumishi wangu atakapokuwapo. Tena mtu akinitumikia, Baba atamheshimu'.

Ni ajabu jinsi gani kuheshimiwa na Mungu?Yaani Mkuu aliyekuumba anakuheshimu!Hata ukija mbele zake na hoja yoyote iliyondani ya mapenzi yake unawekwa 'first track' na inafanyika kama unavyotaka.Mungu ni mwema sana.

Kuna faida nyingi sana za Kumpenda Mungu na Kumfanya YEYE kuwa namba moja katika maisha yetu.
Inatupasa kukua na kuongezeka katika kumpenda Mungu

Kuna semina ambayo imeanza leo inayohusu mada hii ambayo imeandaliwa na Mwalimu wetu Mzuri kama tunavyomfahamu,Mwl.Mgisa Mtebe.

Somo: NGUVU YA UPENDO
           Faida na Nguvu zilizopo Katika Kukua na Kuongezeka Katika Kumpenda Mungu.

Mahali: Msasani Lutheran

Muda: 5pm-7pm

Nakuachia wimbo huu wa kumwambia Mungu jinsi tunavyompenda

  'As We Gather May Your Spirit work within Us ' By Maranatha

      Mpaka wakati ujao,

TANZANIA KWA YESU!